Apple і Facebook падвергнуліся хакерскім нападам з Усходняй Еўропы

• 21.02.2013, 10:00

Хакерскія атакі на кампутары супрацоўнікаў кампаній Apple і Facebook, пра якія стала вядома на днях, вяліся з тэрыторыі Усходняй Еўропы.

Іх арганізатары палявалі за карпаратыўнымі сакрэтамі атакаваных кампаній, піша «Корреспондент».

Пра гэта паведаміла агенцтва Bloomberg са спасылкай на інфармацыю ад двух крыніц, знаёмых з ходам расследавання нападаў.

Агенцтва Reuters са спасылкай на прадстаўніка Apple паведаміла, што абедзве атакі выкарысталі адзін і той жа метад узлому кампутараў.

Ускосна гэта паказвае на тое, што напад на Apple і Facebook - частка адной маштабнай атакі. Крыніцы Bloomberg пацвердзілі гэтую інфармацыю, дапоўніўшы яе звесткамі пра тое, што напад вёўся з тэрыторыі Усходняй Еўропы і быў разгорнуты з мэтай карпаратыўнага шпіянажу.

Раней экспертамі вылучаліся версіі, што атаку арганізавалі кітайскія хакеры.

«Хакеры шукалі сакрэтныя дадзеныя кампаній, звязаныя з вынікамі даследаванняў і інтэлектуальнай уласнасцю, якую можна прадаць на чорным рынку», - сказала агенцтву Bloomberg адзін з крыніц.

Абедзве кампаніі паведамілі, што не валодаюць сведчаннямі выкрадання якой-небудзь каштоўнай інфармацыі.

Нагадаем, учора паведамлялася, што ўнутраная сетка амерыканскай карпарацыі Apple падвергнулася хакерскаму нападу.