Пуцін праігнараваў Лукашэнку ў Сочы

• 20.02.2013, 12:32

(абноўлена) Беларускі дыктатар вярнуўся з Сочы, не дачакаўшыся Пуціна.

Аляксандр Лукашэнка вярнуўся з Сочы 19 лютага, паведамілі БелаПАН у прэс-службе дыктатара. На сённяшні дзень у графіку Лукашэнкі запланаваны шэраг рабочых сустрэч.

Верагодна, дыктатар стаміўся бязмэтна чакаць Пуціна ў сочынскай засадзе, тым больш, што графікам расейскага прэзідэнта ніякіх працоўных паездак у Сочы ў бліжэйшыя дні не прадугледжана.

Што тычыцца адпачынку Лукашэнкі, то за дзесяць дзён ён паспеў правесці ўсе запланаваныя мерапрыемствы - агледзець будаўніцтва беларускіх алімпійскіх аб'ектаў, правесці нараду па гэтым пытанні, пакатацца на лыжах па крутых сочынскай схілах.

Падзенне Лукашэнкі на адным з іх на працягу двух дзён заставалася хітом байнэту.