У Камэруне ўзялі ў закладнікі семярых французаў

• 19.02.2013, 19:57

На поўначы Камэруна на мяжы з Нігерыяй узялі ў закладнікі семярых французскіх грамадзян, у тым ліку чацвярых дзяцей.

Як заявіў прэзідэнт Францыі Франсуа Аланд, усё выкрадзеныя належалі да адной сям'і.

З ягоных слоў, іх захапілі ваяўнікі з вядомай французскім уладам групоўкі, паведамляе ВВС.

Французскае інфармацыйнае агенцтва цытуе крыніцу ў службах бяспекі Камэруна, якая паведаміла, што французаў узялі ў закладнікі, калі яны вярталіся з нацыянальнага парку Ваза.

У нядзелю ў суседняй з Камэрунам Нігерыі ўзялі ў закладнікі семярых замежнікаў. У гэтым выкраданні вінавацяць радыкальную ісламісцкую групоўку Нігерыі.