Гадавіна пачатку пратэстаў у Бахрэйне: забіты паліцыянт

• 15.02.2013, 15:47

У Бахрэйне памёр паліцэйскі, які атрымаў ноччу раненні ў ходзе сутыкненняў з дэманстрантамі, якія выйшлі на вуліцы ў другую гадавіну пачатку акцый пратэсту ў краіне.

Напярэдадні падчас дэманстрацыі быў забіты падлетак, паведамляе ВВС.

Асноўную масу пратэстуючых у Бахрэйне складае шыіцкая большасць краіны.

Яны заяўляюць пра дыскрымінацыю з боку кіруючай эліты, якая складаецца галоўным чынам з сунітаў.

Улады краіны забаранілі любыя публічныя мерапрыемствы, пасля таго як антыўрадавыя дэманстрацыі некалькі разоў выліваліся ў сутыкненні іх удзельнікаў з паліцыяй.