Менгарвыканкам спалохаўся «кітайскіх ліхтарыкаў»
- 15.02.2013, 8:43
Гарадскія ўлады забаранілі запуск «кітайскіх ліхтарыкаў» у Дзень святога Валянціна.
З-за забароны арганізатары акцыі вырашылі правесці яе ў пасёлку Дружны, які знаходзіцца ў 30 кіламетрах ад Менска, паведамляе «Еўрарадыё».
Увечары 14 лютага там запусцілі ў неба сотні «кітайскіх ліхтарыкаў» у форме сэрцаў. Нягледзячы на тое, што мерапрыемства прайшло не ў сталіцы, у ім прынялі ўдзел каля 700 чалавек.