Азаранка пачала выступ у Катары з перамогі

• 13.02.2013, 18:49

У сустрэчы другога кола беларуская тэнісістка перамагла Раміну Апрандзі з Швайцарыі - 6:2, 6:3.

За 1 гадзіну 12 хвілін Вікторыя Азаранка здабыла чатыры геймы на прыйманні і страціла адзін на сваёй падачы. Навылёт спаборніцы не падавалі, пры гэтым у пасіве беларускі дзве падвойныя памылкі, а ў Апрандзі - пяць. Цяпер лік іхніх асабістых сустрэч стаў 3:1 на карысць Вікторыі.

За выхад у чвэрцьфінал турніру Азаранка згуляе з амерыканкай Крысцінай Макхэйл, якая выбіла з барацьбы пасеяную пад 17-м нумарам чэшку Люсі Шафаржову (17) - 6:4, 6:2.