Ушчыльненне Менска: на вуліцы Кальцова зносяць жылыя дамы

• 11.02.2013, 13:34

Жылыя будынкі руйнуюць без правядзення грамадскага абмеркавання.

Дамы былі пабудаваныя на вуліцы Кальцова ў другой палове мінулага стагоддзя. Цяпер на іх месцы збіраюцца ўзвесці 20-павярховыя вышынныя дамы. Пра гэта паведаміў чытач сайта charter97.org.

Яго абурэнне выклікаў той факт, што гарадскія ўлады нават не арганізавалі грамадзкага абмеркаваньня новай будоўлі і не пацікавіліся стаўленнем да яе ў мясцовых жыхароў.

Непакой выклікае таксама тое, што некалькі вышынных будынкаў будуюць на вузкай вуліцы, што, відавочна, абцяжарыць аўтамабільны рух.

Будаўніцтва плануецца завяршыць у красавіку гэтага года.

Фінансуе ўзвядзенне новых будынкаў ЗАТ «Банк Гандлёвы капітал».