Валютныя таргі: новы рэкорд даляра, еўра даражэй 13 тысяч

• 17.12.2013, 11:45

На Беларускай валютна-фондавай біржы сёння прайшлі чарговыя таргі замежнымі валютамі.

Пасля ўчорашняй стабільнасці курс беларускага рубля пахіснуўся. Новы рэкорд курсу даляра цяпер складае 9450 рублёў, піша onliner.by.

Еўра падаражэў на 40 рублёў і ўпершыню пераваліў мяжу ў 13 тыс. рублёў - 13 020. Курс расейскага рубля падрос не так значна - да 287,5 беларускага. Пра гэта паведамілі ў «Банку Масква-Менск».

Нагадаем, у панядзелак на рынку ўстанавілася зацішша. Курсы даляра, еўра і расейскага рубля не змяніліся, склаўшы 9440, 12 980 і 287 беларускіх рублёў адпаведна.