Барысу Нямцову забаранілі ўезд ва Украіну
- 12.12.2013, 21:58
Аднаго з лідэраў расейскай апазіцыі не пусцілі ва Украіну.
Барысу Нямцову, які на мінулым тыдні ў Маскве ўзяў удзел у мітынгу ў падтрымку Еўрамайдана, забаранілі ўезд ва Украіну, піша «Украінская праўда».
Пра гэта яму паведамілі проста ў кіеўскім аэрапорце.
Паводле інфармацыі, Служба бяспекі Украіны не патлумачыла прычыну, з якой Барысу Нямцову адмовілі ва ўездзе, і не ўдакладніла, як доўга гэтая забарона будзе трываць.
Нагадаем, 2 снежня, у Маскве каля будынку амбасады Украіны паліцыя затрымалі 11 удзельнікаў акцыі ў падтрымку Еўрамайдана.
Раней Барысу Нямцову забаранялі ўезд у Беларусь.