Трэць карыстальнікаў «Фэйсбука» раздражняюць іх сябры

• 9.10.2013, 15:54

Але яны баяцца выдаляць іх.

Сацыёлагі высветлілі, з кім людзі сябруюць ў папулярнай сацыяльнай сетцы і чаму. У даследаванні сайта VoucherCodesPro прынялі ўдзел 2 500 актыўных карыстальнікаў «Фэйсбука». З іх 34% прызналіся, што недалюбліваюць сваіх віртуальных сяброў і амаль ні з кім не маюць зносінаў у жыцці, піша «Корреспондент».

Пры гэтым 26% прызналіся, што выдалілі б псеўдасяброў, але баяцца ўзнікнення нязручных пытанняў. 47% паведамілі, што вымушаныя дадаваць сваіх сваякоў, таму што яны лічаць, што так трэба. 36% па той жа прычыне дадаюць калегаў з працы.

Палова карыстальнікаў «Фэйсбука» паскардзіліся на назойлівасць прыяцеляў, якія забруджваюць стужку навін. І толькі 10% апытаных сказалі, што абсалютна задаволеныя сваімі сябрамі ў сацыяльнай сетцы, з якімі яны аддаюць перавагу мець зносіны і ў рэальным жыцці.

Таксама высветлілася, што сярэдняя колькасць сяброў у сацыяльнай сетцы - 287.

Раней навукоўцы з ЗША ўстанавілі, што фатаграфіі сяброў, якія дэманструюць паленне або ўжыванне алкаголю, правакуюць падлеткаў на падобныя паводзіны.