Георгій Кандрацьеў: Дваццаць гадоў мы ішлі не туды, куды трэба

• 7.10.2013, 11:43

Настаўнік зборнай Беларусі Георгій Кандрацьеў выказаў меркаванне, што футбол у Беларусі развіваецца ў няправільным кірунку.

Пра гэта ён заявіў «Прессболу».

- Колькі матчаў другой шасцёркі вы бачылі?

- Па інтэрнэце глядзеў практычна ўсе матчы. Але якасць футбола пакідае жадаць лепшага.

- Дзяленне на шасцёркі апраўдала сябе? Наведвальнасць не палепшылася…

- Справа не ў гэтым. Не сказаў бы, што ў першай шасцёрцы бумы або аншлагі. Прычыны? Няважныя стадыёны і якасць футбола... А як яе падымаць?.. Шмат што залежыць ад вучэбна-трэніровачнага працэсу. Тым больш многія працягваюць гуляць ад абароны, чакаць памылкі суперніка, нягледзячы на тое, што матывацыі трымацца за вынік ужо няма. Але галоўная прычына не ў гэтым. Дваццаць гадоў мы ішлі не туды, куды трэба. Лічу, не так развівалі футбол. Цяпер усе гэтыя нарывы ўскрываюцца.