Анішчанка забараніў пастаўкі малака з Літвы

• 7.10.2013, 10:31

Расея прыпыніла ўвоз малочнай прадукцыі з Літвы.

Пра гэта паведамляе Расспажыўнагляд.

Адзначаецца, што ведамства выявіла шматлікія парушэнні заканадаўства ў галіне абароны правоў спажыўцоў і санітарна-эпідэміялагічнага дабрабыту чалавека.

Раней кіраўнік Расспажыўнагляду Генадзь Анішчанка анансаваў абмежаванне допуску на расейскі рынак асобных груп малочных тавараў з Літвы, піша «Газета.Ru».

«Факты сведчаць пра паслабленне кантролю ў Літве за якасцю і бяспекай харчовых прадуктаў», - пазначана на сайце Расспажыўнагляду.