У Саудаўскай Аравіі cокал сышоў з малатка за $700 тысяч
- 3.10.2013, 17:48
Сокал, выпадкова злоўлены ў Саудаўскай Аравіі, сышоў з малатка за 700 тысяч даляраў.
Не паведамляецца, пра які канкрэтна від сокала ідзе гаворка, піша Lenta.ru.
Новы гаспадар лоўчай птушкі Мухамед Мубарак аль-Алі распавёў журналістам, што сокал будзе пражываць у спецыяльна абсталяванай для яго прыбудове з сістэмай кандыцыянавання паветра. Птушынага драпежніка адвязуць у спецыялізаваны ветэрынарны цэнтр, дзе ён пройдзе поўны агляд, і ён будзе назірацца там пасля кожнага выезду з гаспадаром на паляванне. У птушкі з'явяцца ўласныя слугі, якія будуць даглядаць за ёй і днём і ноччу. Каб сокал не згубіўся, як гэта здарылася з ім раней, на ім замацавалі GPS-трэкер з радыусам дзеяння ў пяць кіламетраў.
Мухамед Мубарак аль-Алі забараніў фатаграфаваць сваё набыццё журналістам, так як лоўчую птушку можа бачыць толькі яе гаспадар, яго сям'я і прыслуга - староннім людзям дазваляецца толькі паглядзець на яе лапы.
Ахмед аль-Хамдан і Насер Акрам злавілі сокала падчас палявання ў Эль-Джаўфе. Па іх словах, яны не змаглі выявіць на ім ніякіх спецыяльных пазнак, апуценак, альбо кольцаў з указаннем дадзеных гаспадара і вырашылі яго прадаць. Птушка была перапраданая неаднаразова, пакуль не патрапіла на аўкцыён у Кувейце.
Паляванне з дапамогай лоўчых птушак - адзін з самы папулярных заняткаў у краінах Персідскага Заліва, вядомы па ўсім свеце з даўніх часоў. Такое шырокае распаўсюджванне падобнага віду палявання звязанае з тым, што драпежныя птушкі, якія выкарыстоўваюцца паляўнічымі, досыць лёгка прыручаюцца.