Папа Рымскі заступіўся за ксяндза Лазара

• 3.10.2013, 17:08

Папа Рымскі Францыск, прымаючы з аўдыенцыяй мітрапаліта Тадэвуша Кандрусевіча, заявіў, што хоча ведаць усе падрабязнасці справы арыштаванага ксяндза Уладзіслава Лазара.

На сустрэчы з мітрапалітам Кандрусевічам Папа Рымскі падкрэсліў, што хоча асабіста ведаць усе падрабязнасці гэтай справы і тое, як яна будзе вырашацца, паведамляе афіцыйны сайт Рымска-каталіцкай царквы ў Беларусі.

На сустрэчы з арцыбіскупам Кандрусевічам Папа Рымскі задаў пытанні аб становішчы святара Уладзіслава Лазара. Пры гэтым пантыфік выказаў вялікую занепакоенасць дадзенай сітуацыяй, гэтак жа, як і 30 верасня падчас аўдыенцыі для Апостальскага нунцыя ў Беларусі арцыбіскупа Клаўдыё Гуджэроці.

У ім таксама гаворыцца, што 3 кастрычніка Папа Францыск прыняў удзельнікаў канферэнцыі Папскай рады, якая праходзіць у Рыме, у якой прымае ўдзел мітрапаліт Менска-Магілёўскі арцыбіскуп Кандрусевіч.

Нагадаем, беларускага ксяндза Уладзіслава Лазара абвінавачваюць у перадачы грошай і матэрыяльных каштоўнасцяў чалавеку, які абвінавачваецца ў шпіянажы на карысць іншай дзяржавы.

Святара абвінавачваюць па п. 1 арт. 356 Крымінальнага кодэкса (здрада дзяржаве). Яго крымінальная адказнасць вызначаецца п. 6 арт. 16 КК (садзейнічанне ў злачынстве), што прадугледжвае тэрмін пакарання ад 7 да 15 гадоў. Ён утрымліваецца ў турме СІЗА КДБ у Менску.

Пра затрыманне ксяндза стала вядома праз некалькі дзён пасля таго, як Аляксандр Лукашэнка 26 ліпеня паведаміў журналістам, што супрацоўнік беларускіх спецслужбаў затрыманы за працу на замежныя дзяржавы.