BE RU EN

У Віцебску BMW пратараніў трамвай

  • 2.10.2013, 12:14

Кіроўца загінуў на месцы аварыі.

2 кастрычніка каля 0:30 у Віцебску на вуліцы Максіма Горкага аўтамабіль «BMW» пад кіраваннем 30-гадовага жыхара Бешанковіцкага раёна лоб у лоб сутыкнуўся з трамваем.

ДТЗ адбылося ў раёне Жлобінскага моста, легкавік перад сутыкненнем рухаўся з боку Пралетарскай плошчы. Кіроўца «BMW» загінуў на месцы аварыі. Яго цела з астанкаў аўтамабіля ўдалося выняць толькі пры дапамозе спецынструмента, пішуць «Народныя навіны Віцебска».

Пасажыры, кандуктар і трамваяважаты, якія знаходзіліся на момант сутыкнення ў трамваі, не пацярпелі. Абставіны ДТЗ высвятляе ДАІ.

У Віцебску BMW пратараніў трамвай. Фота: МНС

Апошнія навіны