Кіяўлянін здае котак напракат

• 14.10.2013, 12:36

Жыхар Украіны прапанаваў новую паслугу - котка ў арэнду на суткі.

Кіяўлянін Сяргей паказаў у аб'яве, размешчанай у Сетцы, што абраны кот ці котка будуць дастаўленыя ў зручнае для кліента месца. Кошт такога пракату, па яго словах, арыентавана складзе ад 30 грыўняў (крыху менш за 120 рублёў) за вечар у залежнасці ад пароды. У камплекце з арандаванай жывёлай ідзе какава, цёплы плед і «запісы з прыемнай музыкай», піша Lenta.ru.

Жывёл Сяргей плануе браць у прытулках. Аднак пакуль не ўсе гадавальнікі пагадзіліся супрацоўнічаць з ім, лічачы, што частыя пераезды і пастаянная змена гаспадароў - гэта вялікі стрэс для жывёлы.

Сяргей разлічвае, што новая паслуга дапаможа прыстроіць частку котак, якія жывуць у прытулках. На яго думку, правёўшы адзін вечар з жывёлай, кліент ужо больш не захоча з ёй расставацца.

У снежні 2012 года падобная паслуга з'явілася ў Краснаярску. Жыхарка горада вырашыла здаваць двух сваіх катоў у арэнду, а атрыманыя ад гэтага грошы траціць на дапамогу падабраным коткам. Замова коткі на дзве гадзіны ў Краснаярску каштавала 300 рублёў.

Фота: Reuters