Ханна Гранкевіч-Вальц застанецца мэрам Варшавы

• 14.10.2013, 9:22

Жыхары польскай сталіцы фактычна байкатавалі рэферэндум аб адстаўцы мэра.

Ён прайшоў у нядзелю 13 кастрычніка, паведамляе PAP.

Паводле папярэдніх дадзеных, 94% удзельнікаў выказаліся за адстаўку Ханны Гранкевіч-Вальц, у яе падтрымку аддалі свае галасы толькі 6% тых, хто прагаласаваў.

Тым не менш, мэр застанецца на сваёй пасадзе з-за рэкордна нізкай яўкі на рэферэндуме.

Па папярэдніх дадзеных, у галасаванні ўзялі ўдзел 27,2% ад агульнай колькасці выбаршчыкаў. Аднак для таго, каб рэферэндум быў прызнаны адбыўшымся, неабходна, каб у ім прынялі ўдзел 29% жыхароў польскай сталіцы. Калі гэтыя дадзеныя не зменяцца, то Ханна Гранкевіч-Вальц, нягледзячы на рэкордную колькасць яе праціўнікаў, застаецца на пасадзе прэзідэнта Варшавы.

Ханна Гранкевіч-Вальц - палітык кіруючай партыі Грамадзянская Платформа і блізкі супрацоўнік прэм'ера Дональда Туска - узначальвае сталічную мэрыю сем гадоў. З 1992 па 2001 год яна занімала пасаду прэзідэнта Нацыянальнага банка Польшчы.