Apple выпусціць бюджэтны iPhone

• 9.01.2013, 9:49

Амерыканская кампанія Apple мае намер выпусціць танную версію iPhone.

З яе дапамогай яна плануе дамагчыся перавагі ў Кітаі і іншых краінах, якія хутка развіваюцца, перадае РБК.

Са спасылкай на спецыялізаваныя СМІ агенцтва адзначае, што новыя смартфоны будуць зробленыя з танных матэрыялаў, а іх з'яўленне ў продажы чакаецца бліжэй да другой паловы года.

З тэхнічных падрабязнасцяў згадваецца толькі вялікі экран, які падабаецца пакупнікам.

Варта адзначыць, што выпуск недарагога iPhone ужо называюць рэзкай зменай канцэпцыі ў Apple. Пры Стыве Джобсе кампанія падкрэслівала прыхільнасць вытворчасці тавараў класа premium.

Мабыць, на пазіцыі кіраўніцтва Apple адбілася канкурэнтная вайна з вытворцамі гаджэтаў на платформе Android, вельмі паспяхова дзеючых на рынках Азіі, адзначае агенцтва, і дадае, што ў мінулым годзе Apple прэзентавала iPhone 5, які прыйшоў на змену iPhone 4S і ўжо прадаецца ў многіх краінах свету.