Расея правядзе найбуйнейшыя вайсковыя вучэнні з часоў «халоднай вайны»

• 7.01.2013, 10:03

У канцы студзеня 2013 года Мінабароны РФ правядзе вучэнні міжфлоцкай групоўкі ВМФ з прыцягненнем сіл Паўночнага, Балтыйскага, Чарнаморскага і Ціхаакіянскага флатоў.

Пра гэта паведамляе РІА «Новости» са спасылкай на інфармацыю ваеннага ведамства.

Вучэнні пройдуць у акваторыі Міжземнага і Чорнага мораў.

Ва Упраўленні прэс-службы і інфармацыі Мінабароны сказалі, што вучэнні такога маштабу праводзяцца ўпершыню за апошнія дзесяцігоддзі.

«У рамках вучэнняў плануецца розыгрыш тактычных эпізодаў па пагрузцы асабістага складу падраздзяленняў марской пяхоты і ПДВ на дэсантныя караблі з неабсталяванага ўзбярэжжа Паўночнага Каўказа», - заявілі прадстаўнікі ваеннага ведамства.

Падрыхтоўка да маючага адбыцца мерапрыемства ажыццяўлялася ўсімі флатамі са снежня 2012 года. У цяперашні час групы караблёў вылучаюцца ў прызначаныя раёны правядзення вучэнняў.