Помнік архітэктуры ХIХ стагоддзя прададзены за $ 120 тысяч

• 5.01.2013, 8:15

Старадаўняя сядзіба Чачотаў-Бохвіцаў у Падароску прададзеная за 120 тысяч даляраў.

Расейскі бізнэсовец Павел Падкарытаў мае намер адкрыць тут агратурыстычны цэнтр з гатэлем, музейным комплексам, карчмой, піша «Вечерний Гродно».

Аб'ект, прызнаны гістарычна-культурнай каштоўнасцю, першапачаткова ацэньваўся ў 971,5 мільёна рублёў. Прададзены за 1 мільярд 20 мільёнаў.

Як паведаміў галоўны спецыяліст аддзела культура Ваўкавыскага райвыканкама Сяргей Урбановіч, з 1996 да 2010 года панскі комплекс належаў калгасу «Падароск». З 2002 года галоўны будынак пуставаў.

Дарэчы, некалькі гадоў таму іншы расеец набыў сядзібу ў Красках прыкладна за 100 тысяч даляраў.