Хакеры атакавалі сайты БПЦ

• 31.01.2013, 18:01

У Менску называюць «вандальнай і мэтанакіраванай» хакерскую атаку на праваслаўныя сайты.

Эксперты адзначаюць мэтанакіраваны і вандальны характар хакерскай атакі на некаторыя беларускія праваслаўныя сайты.

«Дзясяткі беларускіх праваслаўных сайтаў зазналі блакаванне ў выніку хакерскай атакі. Аўтаномны рахунак hram.by інтэрнэт-сэрвера «Расея Праваслаўная» orthodoxy.ru пацярпеў ад хакерскага нападу, у выніку чаго дзясяткі сайтаў Беларускай праваслаўнай царквы былі па-за доступам», - заявіў агенцтву «Інтэрфакс-Захад» у чацвер адміністратар Беларускага праваслаўнага інфармацыйнага партала Мацвей Родаў.

«Тое, што адбылося, нельга назваць банальнай спамерскай атакай. Гэта мэтанакіраваны вандалізм», - падкрэсліў ён. Са слоў суразмоўцы агенцтва, «на працягу двух дзён былі заблакаваныя інтэрнэт-старонкі Бабруйскай і Берасцейскай дыяцэзій, Сінадальнага паломніцкага аддзела, дзясяткаў прыходаў, моладзевых ды іншых арганізацый».

«У цяперашні час усё сайты выведзеныя з блакавання», - паведаміў Родаў.