Чэргі на мяжы з Літвой

• 3.01.2013, 21:38

Памежнікі не спраўляюцца з плынню людзей, якая перасякае мяжу ў святы.

Чытач сайта charter97.org паведамляе аб велізарных чэргах на мяжы з Літвой. Праз наплыў турыстаў з Расеі, час чакання ў чарзе ў пунктах пропуску складае да 8 гадзін.

Нагадаем, падобная сітуацыя склалася на мяжы з Польшчай напярэдадні новага года. Так, 31 снежня для таго, каб выехаць з Беларусі ў гэтую краіну, трэба было прастаяць у чарзе некалькі гадзін.