Беларус на аўтакране рэзнуўся ў аўтобус з расейцамі

• 26.01.2013, 11:20

Аварыя адбылася ў Смаленскай вобласці Расеі.

Беларус за стырном аўтакрана МАЗ, рухаючыся назад, рэзнуўся ў аўтобус. Пацярпелі 4 расейцы, піша TUT.BY.

25 студзеня а 8.42 на 9-ым кіламетры дарогі Пачынак - Лучоса - Клімшчына, у раёне вёскі Красілаўка, 56-гадовы кіроўца аўтакрана МАЗ-533702, жыхар горада Жыткавічы Гомельскай вобласці, выязджаючы з прылеглай тэрыторыі на галоўную дарогу рэзнуўся ў аўтобус ПАЗ-3205.

Аўтакран рухаўся заднім ходам, яго кіроўца не пераканаўся ў бяспецы гэтага манеўру, і не саступіў аўтобусу, што рухаўся па галоўнай дарозе ў бок вёскі Клімшчына.

«У аўтобусе знаходзілася 10 чалавек. Паводле папярэдніх звестак чацвёра пацярпелых шпіталізаваныя ў Пачынкаўскую ЦРЛ. Загінулых няма. Прычыны ДТЗ высвятляюцца», - гаворыцца ў паведамленні ГУ МНС Расеі Смаленскай вобласці.

Удакладняецца, што кіроўцу аўтобуса з цяжкай чэрапна-мазгавой траўмай і пераломамі абедзвюх цыбалак адправілі ў Смаленск, у абласную клінічную лякарню.