У Бярозе замінавалі раённую міліцыю?

• 24.01.2013, 18:14

Раніцай у чацвер адтуль эвакуявалі 15 чалавек.

Як паведамляе сайт tomin.by, у міліцыянтаў выклікаў неспакой поліэтыленавы мяшок, пакінуты ля ўваходу ў РУУС. Прыкладна а 5 гадзіне раніцы людзі самастойна пакінулі трохпавярховік.

На месца здарэння прыблізна а 10 гадзіне прыбылі сапёры. З неафіцыйных крыніц вядома, што група размінавання прызнала знаходку небяспечнай. Прадмет, які знаходзіўся ў мяшку, вывезлі на палігон і падарвалі.

Паводле папярэдняй інфармацыі, праваахоўнікі знайшлі і затрымалі меркаванага «жартаўніка», а можа быць, і сапраўднага мінёра. Ёсць звесткі, што гэта студэнт аднаго з менскіх універсітэтаў.