У Магілёве скончыліся запалкі

• 23.01.2013, 8:21

У крамах горада - дэфіцыт запалак.

На гэтую праблему падчас планёркі звярнуў увагу старшыня Магілёўскага гарвыканкама Станіслаў Барадаўка, паведамляе «Блог Могилёва».

Яна паўстала з-за таго, што пастаўшчык запалак у абласны цэнтр - завод «Пінскдрэў» - перавёў сваю працу на перадаплату. Шматлікія крамы Магілёва не змаглі суправадзіць свае заяўкі грашыма.

Таксама, па словах прадстаўнікоў уладаў, штучны ажыятаж стварылі жыхары горада, якія актыўна скуплялі запалкі напярэдадні 21 снежня.