У цэнтры Лондана ўпаў верталёт: на месцы падзення палае пажар
- 16.01.2013, 12:17
У сераду, 16 студзеня, каля чыгуначнай станцыі ў цэнтры Лондана разбіўся верталёт.
Пра гэта паведамляе брытанская тэлерадыёкарпарацыя Бі-Бі-Сі са спасылкай на прадстаўнікоў службы пажарнай аховы брытанскай сталіцы.
Па дадзеных СМІ, аварыя адбылася побач з вакзалам Воксхолл. Падчас падзення, па папярэдніх дадзеных, верталёт зачапіў будаўнічы кран.
Відавочцы здарэння паведамляюць, што на месцы крушэння пачаўся пажар.
Як паведамляе тэлеканал Sky News, у выніку крушэння былі закранутыя два аўтамабілі.
Аб ахвярах і пацярпелых інфармацыі пакуль не паступала.
У сувязі са здарэннем рух аўтамабіляў па прылеглых дарогах перакрыты. Таксама часова прыпынены рух цягнікоў.
Што стала прычынай падзення верталёта пакуль не вядома, аднак, па сведчанні відавочцаў, раніцай 16 студзеня ў Лондане быў моцны туман.