Вольга Гаварцова выйшла ў другі круг Australian Open

• 14.01.2013, 9:43

У першым раўндзе беларуская тэнісістка перамагла францужанку Палін Парменцье - 2:6, 6:3, 6:2.

У мінулым годзе адкрыты чэмпіянат Аўстраліі выйграла беларуска Вікторыя Азаранка. У гэтым годзе першая ракетка свету паспрабуе абараніць сваю перамогу, паведамляе БелТА.

Адкрыты чэмпіянат Аўстраліі (Australian Open) па тэнісе - адзін з чатырох турніраў Вялікага шлема. Праводзіцца штогод у студзені ў Мельбурне, Аўстралія, і з'яўляецца першым турнірам Вялікага шлема тэніснага сезону. У рамках турніру праводзяцца першынствы: адзіночныя мужчынскія і жаночыя, парныя мужчынскія і жаночыя, змяшаныя парныя, а таксама юнацкія турніры і турнір ветэранаў.