У Бабруйску гарэў інтэрнат

• 22.08.2012, 12:49

Больш за 30 чалавек эвакуявалі супрацоўнікі МНС падчас пажару ў інтэрнаце ў Бабруйску.

Паведамленне аб пажары ў будынку па вул.Валадарскага паступіла ў 18.40, а ў 18.51 пажар ужо быў ліквідаваны.

Работнікамі МНС быў выратаваны рабочы прадпрыемства, які пражываў у пакоі, дзе адбылося ўзгаранне. Пацярпелы шпіталізаваны. З верхніх паверхаў інтэрната былі эвакуяваныя 34 чалавекі. Прычыны пажару ўстанаўліваюцца, перадае БелТА.