Амбасада Беларусі ў Швецыі зачынілася
- 20.08.2012, 8:08
З 20 жніўня амбасада спыняе прыём дакументаў для віз.
Гэта адбываецца ў адпаведнасці з зацверджанымі тэрмінамі спынення дзейнасці беларускай амбасады ў Швецыі.
Нагадаем, 8 жніўня МЗС Беларусі заявіла, што адклікае сваю амбасаду ў Швецыі. Шведскаму боку прапанавана адклікаць сваю амбасаду ў Менску да 30 жніўня. Аднак у МЗС Беларусі падкрэслілі, што гаворка аб разрыве дыпламатычных адносін не ідзе.
Функцыі амбасады Беларусі ў Швецыі будзе выконваць амбасада іншай краіны. Інтарэсы Швецыі ў Беларусі будзе прадстаўляць Эстонія, нагадвае «Еўрарадыё».
Нагодай для абвастрэння адносін паміж Беларуссю і Швецыяй стала рашэнне беларускага боку не падаўжаць акрэдытацыю шведскага амбасадара ў Беларусі Стэфана Эрыксана. Швецыя палічыла гэтае рашэнне палітычна матываваным і заявіла, што не жадае бачыць у сябе новага беларускага амбасадара, а таксама выслала з краіны яшчэ дваіх беларускіх дыпламатаў.