Жанну Літвіну выключылі са спісу «невыязных»
- 17.08.2012, 14:43
Адпаведнае паведамленне кіраўнік ГА «Беларуская асацыяцыя журналістаў» атрымала з Дэпартамента па грамадзянстве і міграцыі МУС Беларусі.
Чыноўнікі Дэпартамента спаслаліся на кампутарны збой, які нібыта адбыўся ў іх з 24 лютага па 10 сакавіка бягучага года, паведамляе прэс-служба БАЖ.
Сама кіраўнік БАЖ лічыць азначаную прычыну надуманай і звязвае яе з канкрэтным палітычным рашэннем афіцыйнага Менска.
Тым часам у чорным спісе МУС Беларусі па ранейшаму знаходзяцца трое сяброў ГА «БАЖ»: Аляксандр Атрошчанкаў, Андрэй Дынько і Міхаіл Янчук.