Расследаванне па справе Захаранкі зноў падоўжылі (Дакумент)

• 5.04.2012, 14:43

Паведамленне аб гэтым са Следчага камітэта на днях атрымаў праваабаронца Алег Волчак.

«Тэрмін папярэдняга расследавання па крымінальнай справе № 110352 па факце знікнення Захаранкі Ю.М. падоўжаны па 24 чэрвеня 2012 года, - інфармуе начальнік аддзела метадычнага забеспячэння папярэдняга следства Следчага камітэта падпалкоўнік юстыцыі Юрый Вараўка. - Аб выніках расследавання вам будзе паведамлена дадаткова».

Падобныя адпіскі сям'я экс-міністра ўнутраных спраў атрымлівае ўжо шмат гадоў, паведамляе «Народная Воля».

Юрый Захаранкі 7 мая 1999 года быў выкрадзены невядомымі. Праваабаронцы і міжнародная супольнасць падазраюць у датычнасці да яго знікнення беларускія ўлады.