ЗША вітаюць вызваленне палітвязняў у Беларусі

• 17.04.2012, 9:54

Урад ЗША назваў рашэнне ўладаў Беларусі аб памілаванні апазіцыянераў Андрэя Саннікава і Зміцера Бандарэнкі важным крокам.

Пры гэтым ЗША заклікаюць да неадкладнага вызвалення ўсіх астатніх палітычных зняволеных.

У заяве Дзярждэпартамэнта ЗША таксама гаворыцца: «Павага да дэмакратыі і правоў чалавека застаецца ключавым фактарам для паляпшэння адносінаў паміж ЗША і Беларуссю», паведамляе сайт rferl.org.