«Палатачнікі» пакінулі сабе бясплатны праезд

• 12.04.2012, 15:44

За «дэпутатамі» «палаты прадстаўнікоў» і сябрамі «савета рэспублікі» захоўваецца бясплатны праезд у грамадскім транспарце.

Гэтая норма захавалася ў прынятых сёння «палатай прадстаўнікоў» у другім чытанні зменах і дапаўненнях да закона «Аб статусе сябраў Нацыянальнага сходу Беларусі». «Дэпутаты» ўнеслі папраўкі ў палажэнне аб сваіх памочніках, паведамляе «Радыё Свабода».

Памочнікамі не могуць быць грамадзяне, занятыя на дзяржаўнай службе, якія былі асуджаныя і якія з'яўляюцца сваякамі «дэпутатаў». Гэтае палажэнне пачне дзейнічаць з 1 кастрычніка 2012 года, калі пачне працаваць новы «дэпутацкі» корпус.