Беларусы правялі шэсце і мітынг у Варшаве (Фота)
- 26.03.2012, 13:25
25 сакавіка беларусы Варшавы адсвяткавалі Дзень Волі.
Раніцай яны сустрэліся ля Ронда Вашынгтона, адкуль калона з сарака чалавек з бел-чырвона-белымі сцягамі накіравалася шэсцем да дошкі памяці генерала войска Беларускай Народнай Рэспублікі Булак-Булаховіча. Перад прысутнымі выступілі Анатоль Міхнавец і Зміцер Бародка. Ля дошкі былі пастаўленыя свечкі і бел-чырвона-белыя сцягі, паведамляе сайт collaboration.org.ua.
Далей калона рушыла да каралеўскага палаца, дзе ў неба былі выпушчаныя паветраныя шары колераў нацыянальнага сцяга Беларусі.
Пазней святкаванне працягнулася ў нефармальнай атмасферы не беразе ракі Вісла.
Арганізатарамі мерапрыемства выступілі «Беларуская Нацыянальная Памяць», «Еўрапейская Беларусь» і Ігар Коктыш.