Старшыня АБСЕ заклікае Менск вярнуць арганізацыю ў Беларусь

• 9.02.2012, 10:21

Кіраўнік Арганізацыі па бяспецы і супрацоўніцтве ў Еўропе (АБСЕ) Эйман Гілмар заклікаў Менск вярнуць прадстаўнікоў арганізацыі ў Беларусь.

На думку старшыні АБСЕ, у Беларусі працягваецца сістэматычнае парушэнне правоў чалавека і свабоды сходаў, паведамляе Расейская служба Бі-бі-сі.

Нагадаем, беларускія ўлады закрылі Офіс АБСЕ ў Менску пасля таго, як арганізацыя заявіла аб парушэннях на прэзідэнцкіх выбарах у 2010 годзе.