Заробак Лукашэнкі - сакрэтная інфармацыя

• 16.02.2012, 16:46

Нацыянальны статыстычны камітэт адмаўляецца падаць дадзеныя аб заробку Лукашэнкі са спасылкай на тое, што гэта прыватная інфармацыя.

«Персанальныя дадзеныя з'яўляюцца канфідэнцыйнымі, таму не агучваюцца. Сярэдняя заработная плата супрацоўнікаў установаў дзяржаўнага кіравання склала за лістапад 2 мільёны 646,1 тысячы рублёў», - сказала намесніца старшыні Белстата Алена Кухарэвіч.

У дакладзе Алены Кухарэвіч таксама не было звестак аб сярэднім заробку ў міліцыі і войску. «Не тое, каб гэтыя дадзеныя былі сакрэтнымі, але пра іх ніколі не пытаюцца, таму я іх і не ўключыла ў справаздачу», - патлумачыла чыноўніца адсутнасць інфармацыі аб прыбытках у сілавых структурах, паведамляе «Радыё Рацыя».