Дзясяткі самалётаў не могуць вылецець з Масквы праз снегапад

• 8.12.2012, 13:31

Снегапад сур'ёзна ўскладняе ў суботу працу аэрапортаў Маскоўскага авіяцыйнага вузла.

Паводле звестак інфармацыйнага табло аэрапорта "Унукава" на гэты момант затрыманыя вылеты каля 40 самалётаў, скасаваныя два рэйсы. Акрамя таго, прылёт двух рэйсаў у гэты аэрапорт скасаваны.

Паводле звестак інфармацыйнага табло аэрапорта "Дамадзедава", затрыманы вылет каля 30 самалётаў, скасаваны адзін рэйс. Акрамя таго, затрыманы прылёт у гэты аэрапорт каля 30 самалётаў, спазняюцца з прылётам больш за 40 рэйсаў, адзін скасаваны, паведамляе "Інтэрфакс".

Паводле звестак інфармацыйнага табло аэрапорта "Шарамеццева", затрымліваецца вылет двух самалётаў і прылёт двух рэйсаў.