Масавыя пратэсты ў Славеніі: затрыманыя дзесяткі чалавек

• 4.12.2012, 9:56

Сутыкненні маніфестантаў з паліцыяй адбыліся ў панядзелак увечары ў славенскім горадзе Марыборы.

Пра гэта паведамляе «Інтэрфакс» са спасылкай на мясцовыя СМІ.

Па дадзеных паліцыі, ёсць пацярпелыя сярод паліцэйскіх. Усяго ў Клінічны цэнтр у Марыборы дастаўленыя дзевяць чалавек.

60 чалавек затрыманыя.

На маніфестацыю ў Марыборы выйшлі каля 10 тысяч чалавек, яны пратэставалі супраць дзеянняў урада і патрабавалі адстаўкі кіраўніка горада Франца Канглера, які падазраецца ў карупцыі.

Тысячы чалавек выйшлі на антыўрадавыя маніфестацыі і ў некаторых іншых гарадах краіны, уключаючы сталіцу Любляну.