Ігар Аліневіч: Наша сіла - у адзінстве пачуццяў

• 31.12.2012, 13:16

Палітвязень даслаў навагодняе віншаванне з турмы.

«Хачу пажадаць вязням у надыходзячым годзе насуперак абставінам бачыць светлае і знаходзіць карыснае ў сваім становішчы. Яшчэ пажадаю родным і блізкім зняволеных больш паразумення паміж сабой. Сіла - у адзінстве пачуццяў», - прыводзіць словы з ліста Ігара Аліневіча «Наша Нiва».

Актывіст анархісцкага руху Ігар Аліневіч адбывае 8 гадоў зняволення ў Наваполацкай калоніі па абвінавачанні ў нападзе на афіцыйныя будынкі ў Менску.