Дзярждума Расеі прапаноўвае вярнуць зімовы час
- 23.12.2012, 10:46
Адпаведны зварот расейскія дэпутаты накіруюць ва ўрад у панядзелак ці аўторак.
Пра гэта заявіў спікер ніжэйшай палаты парламента Сяргей Нарышкін.
У гэтым годзе восенню парламентарыі ўжо абмяркоўвалі магчымасць вярнуцца да ранейшай мадэлі часазлічэння. Аднак тады высветлілася, што гэтае пытанне знаходзіцца ў кампетэнцыі ўрада, а не парламента, паведамляе ВВС. Нагадаем, што менавіта цяперашні кіраўнік расейскага ўрада Дзмітрый Мядзведзеў і стаў ініцыятарам скасавання зімовага часу.
Калі Расея зноў вернецца да зімовага і летняга часу, следам за ёй гэта можа зрабіць і Беларусь.
Перавод гадзінніка на зімовы і летні час робяць 110 дзяржаў, у тым ліку краіны Еўразвязу, і большасць штатаў ЗША. Пасля распаду СССР ад зімовага і летняга часу адмовіліся Узбекістан, Таджыкістан, Туркменія, Грузія, Казахстан і Кіргізія.