Нацболы пахавалі Выбарчы кодэкс
- 19.12.2012, 19:17
Другую гадавіну прэзідэнцкіх выбараў 2010 года і разгону Плошчы беларускія нацыянал-бальшавікі адзначылі сімвалічным пахаваннем Выбарчага кодэкса.
Рытуал адбыўся на плошчы Незалежнасці, недалёка ад сцен Цэнтрвыбаркама, пішуць «Беларускія навіны».
«Кодэкс, што жыве ў летаргічным сне, быў пахаваны ў велізарным сумёце да лепшых часоў. Да таго часу, калі ён сапраўды будзе запатрабаваны, і выбарчыя кампаніі ў Беларусі будуць праходзіць згодна з нормамі, прапісанымі ў ім », - адзначаецца ў паведамленні нацболаў.