У Бабруйску абрабавалі царкву на Br300 мільёнаў

• 17.12.2012, 11:26

Злодзеі скралі больш за тысячу срэбраных і залатых вырабаў.

У храм невядомыя зайшлі проста - узламалі дзверы. З сабой прыхапілі не толькі каштоўныя металы, але і 1,6 мільёна рублёў наяўнымі, якія апынуліся ў храме. Злодзеяў пакуль не знайшлі, але па факце крадзяжу распачатая крымінальная справа, па якім ім пагражае да 12 гадоў пазбаўлення волі з канфіскацыяй маёмасці, піша «Ежедневник».

Дарэчы, гэта не адзінкавы падобны выпадак.

На наступны ж дзень пасля крадзяжу ў Бабруйску невядомыя абчысцілі царкву ў Калінкавічах.