У Беларусь вязуць 500 вагонаў расейскіх боепрыпасаў

• 16.12.2012, 11:29

Беларускія прадпрыемствы гатовыя ўтылізаваць да 10 тысяч тон расейскіх боепрыпасаў.

Беларускія прадпрыемствы гатовыя перапрацоўваць да 10 тыс. тон тратылавых боепрыпасаў цягам года ў інтарэсах Расейскай Федэрацыі. Пра гэта заявіў прадстаўнік Рэспубліканскага казённага прадпрыемства (РКП) «Цэнтр утылізацыі артылерыйскіх ды інжынерных боепрыпасаў» 15 снежня ў Маскве на цырымоніі ўручэння нацыянальнай прэміі «Залатая ідэя» ў Маскве, паведамляе БелаПАН.

Паводле яго слоў, у гэты момант Беларусь можа перапрацоўваць цягам года каля 500 вагонаў тратылавых боепрыпасаў.

Прадстаўнік РКП адзначыў, што беларускія прадпрыемствы ўтылізацыі боепрыпасаў гатовыя і далей супрацоўнічаць з расейскімі калегамі.