Удзельнік забойства Паліткоўскай прысуджаны да 11 гадоў

• 14.12.2012, 18:31

Маскоўскі гарадскі суд вынес прысуд арганізатару забойства журналісткі Ганны Паліткоўскай, былому міліцыянту Дзмітрыю Паўлючэнкаву.

Ён прызнаны вінаватым у злачынстве і асуджаны да 11 гадоў калоніі строгага рэжыму.

Раней абвінаваўчая старана папрасіла 12 гадоў пазбаўлення волі для Дзмітрыя Паўлючэнкава, ягоная абарона намагалася больш мяккага пакарання - у тым ліку ўмоўнага, піша РИА «Новости».

У прысудзе гаворыцца, што Паўлючэнкаў атрымаў не менш за $ 150 тысяч за ўчыненне забойства. Пры гэтым суд часткова задаволіў пазоў дзяцей Паліткоўскай: замест 10 млн рублёў асуджаны абавязаны выплаціць 3 млн рублёў.

Крымінальная справа ў дачыненні да Дзмітрыя Паўлючэнкава, які ўклаў дасудовае пагадненне аб супрацоўніцтве, было вылучанае з крымінальнай справы аб забойстве Ганны Паліткоўскай. У ходзе расследавання Паўлючэнка таксама даў каштоўныя для следства сведчанні аб учыненні іншага асабліва цяжкага злачынства, якое мела міжнародны грамадскі розгалас.

Нагадаем, што забойства журналісткі Ганны Паліткоўскай было ўчыненае пад 16:00 7 кастрычнік 2006, калі яна прыпаркавала аўтамабіль каля дома на вуліцы Лясной і ўвайшла ў ліфт, каб падняцца ў сваю кватэру. У журналістку было зроблена пяць стрэлаў. Пасля гэтага кілер выйшаў з пад'езда і сеў ў аўтамабіль ВАЗ 21043, які чакаў яго ля метро «Новаслабодская», і разам з хаўруснікамі ўцёк.