Менчукам нагадалі пра іхныя правы
- 10.12.2012, 17:50
Праваабаронцы павіншавалі жыхароў беларускай сталіцы з Днём правоў чалавека.
Актывісты праваабарончага цэнтра «Вясна» раздавалі мінакам брашуры з «Дэкларацыяй правоў чалавека» і буклеты, якія распавядаюць пра палітвязняў, паведамляе «Радыё Свабода».
Акцыя прайшла без затрыманняў.
Праваабаронца Валянцін Стэфановіч заявіў, што мэта акцыі - павысіць прававую пісьменнасць жыхароў Беларусі.
Нагадаем, 10 снежня адзначаецца Сусветны дзень правоў чалавека.
Фота - spring96.org