Дзень памяці Браніслава Тарашкевіча

• 29.11.2012, 11:34

74 гады назад быў расстраляны аўтар першай беларускай граматыкі Браніслаў Тарашкевіч.

29 лістапада 1938 г. быў расстраляны Браніслаў Тарашкевіч — грамадcка-палітычны дзяяч, адзін з лідараў нацыянальнага руху ў Заходняй Беларусі, аўтар «Беларускай граматыкі для школ».

Тарашкевіча двойчы кідалі ў турму ў Польшчы — ён жа ўзначальваў БСРГ ды быў адным з кіраўнікоў «Змагання», пiша «Наша Нiва».

У верасні 1933 г. ён, паводле г.зв. абмену палітвязнямі, прыехаў у СССР. Жыў у Маскве, пакуль не быў у маі 1937 г. арыштаваны, а ў студзені 1938 г. засуджаны да вышэйшай меры пакарання. 29 лістапада 1938 ён загінуў у катоўнях НКВД.

У 1957 г. Тарашкевіч быў рэабілітаваны. Ягоным імем названа вуліца хіба толькі ў Радашкавічах.