Стаўкі на рублёвым міжбанку ўпалі да 29% гадавых

• 26.11.2012, 18:23

Стаўкі міжбанкавых рублёвых крэдытаў у панядзелак прадоўжылі зніжэнне, апраўдваючы прагнозы ўдзельнікаў рынка.

У мінулую пятніцу банкі не здолелі цалкам прыладкаваць лішнія рублі - на раніцу 23 лістапада лішак ліквіднасці склаў прыкладна 454 млрд., і асобныя удзельнікі мусілі адпраўляць грошы на дэпазіт у Нацбанк РБ пад 19% гадавых, піша АФН.

Сёння, у панядзелак 26 лістапада, лішак рублёвай ліквіднасці паводле звестак рэгулятара склаў 1,24 трлн. рублёў. У выніку сярэднеўзважаная стаўка АФН на крэдыты overnight склала 28,81%, знізіўшыся на 6,28 пункты.