Следства па выбуху ў Віцебску: для грамадскасці новай інфармацыі няма

• 26.11.2012, 11:25

У справе аб выбуху каля сцен абласнога ўпраўлення КДБ у Віцебску другі тыдзень без новай інфармацыі для грамадзян.

- Следства працягваецца, мы адпрацоўваем некалькі версій, - паведаміў «Салідарнасці» начальнік аддзела інфармацыі і сувязі з грамадскасцю Следчага камітэта Беларусі Павел Траулька. - На жаль, у інтарэсах следства мы пакуль не можам апублікаваць падрабязнасці расследавання па выбуху.

Нагадаем, выбух прымітыўнай самаробнай піратэхнічнай прылады ў Віцебску адбыўся ўвечары 11 лістапада. Па справе было апытана больш за 60 чалавек, але ў выніку апошні падазраваны па справе аб выбуху быў адпушчаны яшчэ 15 лістапада.