Былы прэм'ер Харватыі прысуджаны да 10 гадоў
- 20.11.2012, 15:53
Былы прэм'ер-міністр Харватыі Іва Санадэр прысуджаны да 10 гадоў пазбаўлення волі па справе аб карупцыі на некалькі мільёнаў даляраў.
Пракуроры вылучалі супраць Санадэра абвінавачванні ў хабарніцтве і спекуляцыях і патрабавалі для экс-прэм'ера 15 гадоў зняволення, перадае ВВС.
У выніку суд палічыў даказаным факт атрымання хабару ў памеры пяці мільёнаў еўра.
Абвінавачванні адносяцца да перыяду паміж 2003 і 2009 гадамі, калі Санадэр узначальваў урад краіны.