Следчы камітэт таксама ідзе «пад нож»
- 20.11.2012, 15:39
Услед за КДБ беларускі дыктатар вырашыў скараціць Следчы камітэт.
«Першыя месяцы работы Следчага камітэта паказалі неабходнасць карэкціроўкі колькасці і структуры гэтага камітэта», - сказаў Лукашэнка. Як станоўчы момант ён адзначыў, што ў дадзеным выпадку гаворка ідзе аб некаторым скарачэнні раней вызначанай колькасці супрацоўнікаў ведамства», - сказана ў паведамленні прэс-службы кіраўніка пасля сустрэчы Лукашэнкі з новапрызначаным старшынёй СК Валерыем Шаевым, якая адбылася ў аўторак. Ранейшы кіраўнік СК Валерый Вакульчык на днях прызначаны кіраўніком КДБ Беларусі замест Вадзіма Зайцава, якога знялі з пасады.
Кіраўнік асабліва падкрэсліў, што сродкі, што вызваляюцца ў выніку аптымізацыі колькасці структуры, павінны заставацца ў распараджэнні ведамства: «Будзь гэта КДБ, пракуратура, Следчы камітэт або міліцыя, грошы павінны застацца на развіццё гэтай структуры і для павышэння грашовага забеспячэння супрацоўнікаў», - сказаў ён і даручыў кіраўніку Савета бяспекі Леаніду Мальцаву кантраляваць гэтае пытанне.
У прэс-рэлізе паведамляецца, што на сустрэчы было даложана аб асноўных напрамках прапанаванай аптымізацыі. У тым ліку абмяркоўваліся пытанні аб стварэнні міжраённых аддзелаў Следчага камітэта, больш кампактных структур падраздзяленняў.
«Што тычыцца структуры, то гэта рабочы момант, і мы дамаўляліся з вамі, што ў гэтым складзе прапанаваную новую структуру Следчага камітэта, калі мы з гэтым пагодзімся і ў гэтым ёсць неабходнасць, прымем у бліжэйшы час. Гэта правільна, што не сталі чакаць. Калі бачыце дзесьці нейкія вузкія месцы, недахопы, то іх трэба своечасова выпраўляць», - цытуе Лукашэнку яго прэс-служба.
Учора, нагадаем, дыктатар паведаміў аб верагодным скарачэнні апарата КДБ.
«Таму што я як прэзідэнт бачу, што адбываецца вакол нашай краіны і ўнутры і якія мне патрэбна прыкладаць намаганні, каб стрымаць краіну, каб яе на кавалкі не парэзалі і не расцягнулі, - сказаў Лукашэнка. - Вы гэта таксама бачыце. Але бачыць - гэта адно , трэба прадпрымаць максімум намаганняў, каб стварыць цэласнасць, недатыкальнасць і бяспеку нашай краіны. Вось для такіх супрацоўнікаў мы гатовыя стварыць любыя ўмовы. Хай іх будзе не 12 тыс., не 10 тыс. і нават не 6 тыс. чалавек. Хай іх застанецца 3 тыс., але гэта застануцца адданыя дзяржаве людзі. З такімі Вакульчык будзе працаваць. Усе астатнія куды хочуць хай сыходзяць».